الاثنين، 5 يوليو، 2010

فراخ على الطريقة المغربية

المقادير:
فرخة مقطعة
او 4 وراك او 4 صدور
زيت زيتون
جنزبيل- ذرة زعفران -ملح - فلفل اسود
زيتون مخلى مقطع شرائح + ليمون اضاليا ( كبير ) مقطع فصوص يكتفى بليمونة
كسكسى او ارز أو مكرونة حسب الرغبة
لكن هو اساس الاكلة كسكسى
كسبرة خضراء + بقدونس مفرومين قطع صغيرة
فلفل ملون احمر و اصفر حسب الرغبة
الطريقة :
تحمر الفراخ فى زيت الزتون و يضاف اليها الجنزبيل و الملح و الفلفل الاسود و الزعفران و يفضل الاحتفاظ بالجلد للفراخ و تحمر على الجلد
و تخفض النار و تغطى و تترك لتنضج و من وقت للاخر تابعيها و اذا احتاجت شوربة زوديها بمغرفة مش كتير و تزود الشوربة كلما احتاج الامر الى ان تقرب من النضج نضع اخر حاجة البقدونس و الكسبرة و توضع فى الاخر علشان تحتفظ بلونها الفاتح و تغطى و ترفع من على النار
تحضير الليمون و الزيتون :
توضع طاسة على النار و يوضع بها زيت زيتون و يحمر فيها الليمون و الزيتون ثم يرفع من على النار
التقديم :
يغرف الكسكسى فى طبق التقديم
و تعمل حفرة فى منتصف الطبق توضع بها الفراخ ثم يرش فوقها صوص الفراخ المتبقى فى الاناء
و يرش بعد كدة الزيتون و الليمون المحمر ثم يجمل الطبق بشرائح الفلفل الملونو يقدم و بالهنا و الشفا
ملحوظة : طبق غنى جدا و مفيد و نكهته عاليه جدا وممكن تستبدلى الكسكسى بمكرونة مسلوقة يبقى كويس بردة

ليست هناك تعليقات:

إرسال تعليق

كفتة الدجاج

االمقادير نصف كيلو فراخ بانيه مفرومة  بصلتين مفرومين ملح و فلفل اسود كسبرة ناشفة ذرة قرفة و ذرة شطة الطريقة تخلط المقادير ال...