الجمعة، 30 أبريل 2010

طريقة عمل الملوخية الخضرا

حوالى نصف كيلو ملوخية خضرا
بتقطفيها طبعا مع الاحتفاظ بجزء صغير من العرق و تغسليها كويس قوى و تنشفيها
و بعدين يكون عندك شوربة فراخ كمية مش كبيرة حوالى 3 اكواب و لو فى زيادة خليها برة
و بعدين بتضيفى بقى على الشوربة عصير 2 حبات طماطم او ملعقة صلصة
و بتخرطى الملوخية اما بالمخرطة او بالكبة بعد ما تنشف
و تكونى فرمة ثوم و محضرة كسبرة ناشفة
تحطى منها جزء مع الشوربة و سيبى الباقى دلوقت
و بعد ما تخرطى الملوخية تكون الشوربة بتغلى حطيها على الشوربة و قلبيها بسرعة بشوكة و ف نفس الوقت حطى اناء تانى على النار فيه ملعقة سمن و باقى الثوم و الكسبرة و حمريها و ضفيها على الملوخية و ما تسبيش الملوخية تغلى كتير يادوب تبدا تطفى عليها
نصائح لانجاح الملوخية :
ارفعى الغطا
ما تخليهاش تغلى كتير
طبعا الملح حسب الرغبة
يفضل تبدئى بكمية شوربة صغيرة لو لاقيتى قوامها غليظ قوى زودى شوية شوربة و دة طبعا افضل من انها تبقى خفيفة
و بالهنا و الشفا

ليست هناك تعليقات:

إرسال تعليق

طريقة عمل فتة شاورما الدجاج السورى مع الارز بالكركم

طريقة عمل فتة شاورما الدجاج السورى مع الارز بالكركم  الوجبة تكفى اربع افراد تقدم كطبق رئيسى  المقادير : نصف كيلو صدور فراخ او فراخ...