عصير قمر الدين

حوالى نصف لفة قمر الدين تقطعيها و تنقعيها فى ماء مدة طويلة مثلا من اول الظهر لغاية قرب المغرب
و بعدها تضربيها فى الخلاط و معاها السكر و تصبيه فى الكاسات للتقديم على الفطار
و نصيحة مهمة قوى ما تقدميش العصاير مثلجة لان دة بيتعب المعدة جدا و بالهنا و الشفا

طريقة عمل الخروب

المقادير:كوب ونصف خروب
كوب ونصف سكر
لتر ونصف ماء
ملعقة صغيرة ماء ورد
-الطريقة:
نحضراناء واسع ونضع السكر مع الخروب بدون ماء ونقلب جيدا حتى يصير لونه مثل لون الكراميل بس لاتدعونه يحترق
يعنى على نار هادية ثم نضيف الماء بالتدريج ونتركه يغلى على نار متوسطة حتى يصير لونه بنى غامق نطفىء النار بعد حوالى عشرون دقيقة وبعد ان يبرد نضيف ماء الورد ثم يثلج فى الثلاجة وبالهنا والشفا .

عصير الجوافة

من 5-6 حبات جوافة تقطع و تخلى من البذر و تضرب فى الخلاط مع لبن او مع الماء و طبعا بضيفى سكر
و تضيفى عصير ليمونة بتخلى طعمها جامد و بالهنا و الشفا و على فكرة ان الجوافة هى اكتر حاجة فيها فيتامين سى اكترمن البرتقال سبحان الله

طريقة عمل العرقسوس حصرى !!

فى أكتر من طريقة لعمل العرقسوس " و على فكرة العرقسوس من افيد المشروبات للجسم بيظبط المعدة و الكبد و الكلى ممتاز و طبيعى جدا "
الطريقة الاولى و دى السهلة اننا نضرب كمية من العرقسوس يعنى مثلا نصف كوب و نكمل الخلاط بالماء و على فكرة ممكن نخفف بعد كدة بالماء لو تقيل المهم بعد ما تضربيه فى الخلاط تصفيه بمصفاة ضيقة جدا و تحطيه فى الثلاجة
الطريقة التانية و انا مش بفضلها اننا نجيب شوية عرقسوس و نرش عليهم رشة بيكربونات و رشة ماء و نسيبه لما يخمر شوية و بعدين نحطة فى شاشة و نضيف عليه الماء عشان يتصفى و بردة تحطيه شوية فى الثلاجة و بالهنا و الشفا

عصير اليمون بالنعناع !!

- 2 ليمونة مقشرة و خالية من
- 3 عروق من النعناع المغسول والمقطوف عن الساق
- سكر حسب الرغبة " ويفضل السكر البني لأنه اقل ضرر من الابيض "
- ذرة فانيليا " أختياري " يمكنك الاستغناء عنها . - ماء بارد


الطريقة:

- تخلط جميع المقادير في الخلاط وتصب في أكواب وتزين أما بقشور الليمون أو بالنعناع .

كوكتيل اللبن بالموز والفراولة

المقادير
موزتان ناضجتان
2/1 1 كوب من الفراولة
1 كوب من اللبن القليل الدسم
2-3 ملاعق من السكر أو المحليات الأخرى
فانيلا
حبة فراولة للزينة + كيوي للزينة
الطريقه
يوضع الموز المقشر والفراولة المبردة واللبن والسكر في الخلاط .
يخفق الكل جيداً حتى يصبح المزيج ناعماً.
يقدم هذا الكوكتيل بارداً بعد تزيينه بالكيوي والفراولة .