طريقة عمل الحلاوة الطحينية بالبيت حصرى

المقادير 

كوب طحينة

كوب لبن بودرة

كوب سكر بودرة

ربع كوب سودانى مقشر بدون ملح للتجميل 

الطريقة

تقلب المقادير السابقة معا جيدا ما عدا السودانى

يرص فى علبة بلاستك و تضاف فوقه الحلاوة و تكبس جيدا باليد و تترك فى الثلاجة ليلة كاملة 

ثم تخرج و تاخذى منها حسب استخدامك

و ممكن استبدال السودانى بفستق او ياميش جاف او فواكه مجففة

طريقة عمل دبس الرمان

دبس الرمان 

اسهل طريقة لتحضيره فى المنزل

المقادير

كوبان من عصير رمان فريش مصفى 

نصف كوب سكر

نصف كوب عصير ليمون

الطريقة

يوضع العصير فى اناء عميق على نار هادئة و يضاف اليه السكر و الليمون و بقلب الى ان يتبخر الماء و يصبح القوام كثيف و يرفع من على النار الى ان يبرد يعبا فى برطمان جاف و يحفظ فى الثلاجة 

و يستخدم دبس الرمان متبل للدجاج و السلاطات 

طريقة عمل الفول المدمس

المقادير 

نصف كيلو فول مستورد

الطريقة

ينقى الفول و يستبعد المسوس و الغير صالح و يغسل جيدا و ينقع لمدة ساعة

بشطف و يوضع فى الدماسة و يغمر بالماء و سوضع على النار الى ان يغلى ثم تخفض النار و يغطى و يترك ثلاث ساعات كاملة ثم تعصرى ليمونة قرب السوا حتى لا يسود لونه ثم يرفع من على النار 

و بحفظ بعد ان يبرد فى الثلاجة و يؤخذ منه الى انتهار الكمية 

فوائد مذهلة لليمون

ممكن تستخدميه مبيض للملابس البيضاء

حطيه معاها و اغليها على النار بس تكونى مقطعة الليمونة طرنشات

حتحصلى على بياض ناصع

ممكن تستخدميه لازالة البقع بنفس الطريقة

ممكن تستخدميه لتنعيم و نظافة القدمين

طريقة عمل البشاميل على البارد حصرى

يحضر كوب من اللبن و يوضع فى اناء عميق

يضاف اليه من 3-4 ملاعق كبيرة دقيق

يقلب الدقيق جيدا الى ان يذوب ثم يضاف اليه ملح و فلفل اسود و ملعقة زبد ثم يوضع على النار الى ان يغلظ القوام ثم يرفع من على النار و بعد قليل يضاف اليه بيضة و يقلب جيدا ثم يوضع على المكرونة

ازاى تخزنى الثوم هام للمراة العاملة !!!!

اول موسم التوم بتشتريه وهوة لسه اخضر وطبعا بيكون رخيص وبعدين تقشره بالسكينه وتفرمه فى الكبه وتحط عليه شويه ملح كماده حافظه وتعبيه فى علب زجاج او بلاستيك وتحطه فى الفريزر وتطلع علبه علبه على اد الاستخدام تحطها فى التلاجه على الرف وطبعا ممكن يفعد سنتين وبيبقى كانه لسه طازة وطبعا سهل للموظفات لانه بيكون جاهز تطلع العلبه تاخد شويه وتقفل العلبه وتحطها طبعا فى التلاجه

طريقة عمل الزبادى فى البيت حصرى من احلى الاكلات

كل سنة و انتم طيبين رمضان قرب و كلنا بنحتاج للزبادى فى البيت
المقادير:
كيلو لبن حليب مغلى
ملعقتين من علبة زبادى بلدى ( تستخدم كخميرة )
الطريقة :
يغلى اللبن و يترك ليبرد حتى تصبح حرارته حوالى 37 درجة يعنى دافئ لو مش عندك ترمومتر
و توضع ملعقتين الزبادى البلدى عليه و يقلب جيدا حتى تنتشر الخميرة كويس
و بعدها يصب فى اكواب او اوانى فخار الاوانى اللى انت بتفضليها
اخر خطوة يوصع فى مكان دافئ مثلا فرن البوتاجاز تكونى مشغلاه و طفياه فيكون دافئ بعدها
تضعى فيه الزبادى اكواب داخل صنية
ثم يترك من 4 الى 5 ساعات حتى يجمد يعنى يصبح كتله
و بعدها تاخديه على طول تحطيه فى الثلاجة عشان ما يلذعش منك يعنى طعمه ما يبقاش حمضى
و بعدها قدميه بقى و بالهنا و الشفا

اكلات صحية و مفيدة

شوربة الخضار
المقادير
كوب جزر مقطع مكعبات
كوب لوبياء خضراء مقطعة
كوب فنجان بطاطا مقطعة مكعبات
كوب كوسا مقطعة مكعبات
بصلتان مقطعتان
كوب طماطم مقطعة مكعبات
5 أكواب ماء
مكعب مرقة دجاج
ملعقة صغيرة ملح
ملعقة صغيرة خلطة بهارات
طريقة التحضير
ذوبي مرقة الدجاج بالماء
أضيفي الخضار المقطعة ثم الملح والبهارات
اغلي لمدة 30 دقيقة أو حتى تنضج الخضار

القيمة الغذائية للحصة

61.7 وحدة حرارية

0.5 جرام دهن

7% دهن

حصرى : اكتر من طريقة لعمل الصلصة

1- الطريقة الاولى : تحمرى بصلة و تحطى عليها شطة و كمون و ملح و بعدها تحطى الطماطم المضروبة فى الخلاط و متصفية و تسبيها لغاية ما تتسبك و الطريقة دى تنفع للمكرونة اذا كنت عايزة تعمليها حامية 2 - الطريقة الثانية : اذا كنت مستعجلة بقى وراجعة من يوم عمل طويل ممكن تحطى ملعقة زبدة و عليها شوية ملح و فلفل اسود وبعدها تحطى الطماطم و تسبيها لما تستوى و تبدا تنشف شوية 3 - الطريقة الثالثة : لو كنت بتعملى باذنجان أو كشرى و عايزة الصلصة بتاعته : تحمرى ثوم مفروم فى شوية زيت و بعدها تحطى نقطة خل بيخليها رهييبة و بعدها حطى الطماطم و تسببيها تتسبك 4 - الطريقة الرابعة دى بقى من ابتكارى و بتبقى جميلة قوى مع المكرونة الاسبكتى عبارة عن انك بتجيبى الطماطم و تقطعيها و تحطيها فى الخلاط و تحطى عليها بصلة متقطعة و كمان فصين ثوم و تضربى كل دة فى الخلاط و تصفيه و بعدين تحطى شوية زيت و لما يسخنوا تحطى عليهم الصلصة دى جربيها جميلة جدا ملحوظة هامة : ممكن اضافة صلصة طماطم جاهزة فى كل الطرق الا الطريقة الأخيرة لازم تكون طماطم مع ارق أمنياتى للجميع بالصحة و العافية الدائمين

فوائد القرنبيط ؟

قال عنه أطباء العرب: إنه يقتل الدود، ويفجر الأورام، ولحم الجروح، وينفى السدود، والطحال، والكبد، والحصى، ورماده يذهب القلاع والحفر. وبالعسل يزيل البحة، وسائر الآثار طلاء، ويسهل اللزوجات شرباً، وماؤه يعيد الصوت بعد انقطاعه، وكذا إن عقد بالسكر واستعمل. والبرى منه يمنع السموم.
يقول علماء التغذية: إن القنبيط من أكثر الخضروات احتواءا على مادة الفوسفورية فهو لذلك مقو للبنيه لان الفوسفور من أخص مركباتها.

نصائح لك

يفضل استخدام الاوانى المصنوعة من الاستانلس ستيل او البيركس عن الالومنيوم لان الالومنيوم يتفاعل مع الطعام و يتاكسد و يعتقد انه سبب فى الاصابة بالزهايمر

نصيحة هامة جدا و مجربة

يجب اختى الزائرة ان تتنبهى الى ان خبز البسكوتات و البتيفور يجب ان تكون على نار هادئة حتى لا تحترق