المقادير :
نصف كيلو كنافة
سمن او زبدة سايحة
الطريقة:
تدهنى صنية بالسمنة
و تقطعى الكنافة و تقلبيها مع السمنة كمية مناسبة و بعدين اقسميها نصين الاول حطيه فى الصنية و حطى جواها زبيب و جوز هند و شوية سكر و ذرة قرفة و بعدين حطى النص التانى واضغطى عليها بايدك و بعدين ممكن ترشى رشة زبدة صغيرة على الوش و تدخل الفرن الى ان تحمر
و لما تخرجيها سبيها تبرد شوية و بعدين اسقيها بشراب بارد و قطعيها و ممك تزينيها بكريم شانتيه وردات
نصائح لعمل شراب ناجح:
ان تكون كمية السكر ضعف الماء مع اضافة قطرات ليمون و اى نكهة بتفضليها فانيليا او قرفة او قرنفل
و يستحسن ان يكون بارد و ان تكون الكنافة باردة عشان ما تعجنش و على فكرة فى طرق كتيرة قوى لعمل الكنافة ممكن تستبدلى الزبيب و جوز الهند بكاستر و ممكن بدل ما تقطعيها تعمليها صوابع او مبرومة و تحشيها ممكن سودانى او مكسرات و جوز هند و زبيب
و الصنية دى بمناسبة رمضان كل سنة و انتم طيبين تحياتى
ليست هناك تعليقات:
إرسال تعليق