طريقة عمل الكشرى المصرى

المقادير : الكمية تكفى 4 افراد اذا كان العدد اكبر ممكن تزودى المقادير شوية
ربع كيلو عدس بجبة
نصف كيس مكرونة اسباكتى
بصاة كبيرة
3 اكواب ارز
زيت
ملح شطة حمراء
صلصة
مكرونة عقل صغيرة
4 فصوص ثوم
الطريقة :
نسلق العدس فى حوالى 3 اكواب ماء
و نضيف ملح و كمون الى العدس و شوية زيت صغيرين
و لما يغلى شوية حوالى 10 دقائق نحط الرز المغسول و لما يبدا يغلى نخفض النار و نغطى الحلة
و نسلق المكرونة الاسباكتى لوحدها وكمان المكرونة العقل لوحدها
نحمر البصلة لوحدها فى شوية زيت لحد ما تبقى لونها بنى طبعا حيزيد منها زيت نحطه على الارز و العدس
" ممكن الرز و العدس حتاج شوية ماء مش كتير ممكن ترشى عليه شوية ماء و تحطى قطعة زبدة "
و نحمر الثوم فى شوية زيت صغيرين و نحط عليها نقطة خل و نضيف الصلصة و نخففها بشوية ماء
بعد ما تجهزى كل المكونات تغرفى الطبق تحطى الارز و العدس فى قاعدة الطبق و فوقه المكرونات و بعدين الصلصة و اخر حاجة تنزلى بالبصل للتجميل و بالهنا والشفا