البطاطس البيوريه

المقادير ..
بطاطس 4 بطاطسات كبيرة
كوب لبن أو أكتر شوية .. أي لبن حليب

4ملاعق بقسماط كبيرة مليانة

كوب جبنة تشيدر مبشورة 3

ملعقة كبيرة جبنة بيضاء فيتا أو أي نوع
4قطع جبنة مطبوخة " مثلثات "
نصف فلفلة

بقدونس.. ملعقة و نص كبار

فلفل أسود
ملح
بيضتين
الطريقة :
نسلق البطاطس كويس جدا جدا و نقشرها و نقطعها
نهرس البطاطس كويس جدا بأي طريقة تعجبكم و نخلطها باللبن و البقسماط والفلفل الأسود و الملح بس مانحطش ملح كتير عشان الجبنة
حسب نوع الجبنة بنحط الملح يعني لو جبنة مالحة يبقى الملح قليل .. و لو جبنة مش مالحة اوي نزود بس برضه مش كتير .. لحد مايبقى في عندنا عجينة .. لو حسينا انها ناشفة بنزود اللبن .. لازم تكون مختلطة كويس جدا ببعضها .. بس ماتبقاش طرية اوي.
و بعدين ..
نيجي للجبنة .. ناخد انواع الجبنة دي كلها و نخلطها كويس جدا جدا مع بعض
و نحط معاهم الفلفل الأخضر و البقدونس ..
و نخلط كويس جدا .
نجيب صينية متوسطة .. مقاس 24 مثلاً و ندهنها زبدة أو سمن .. من الجوانب و من القاع .
نحط نص عجينة البطاطس في الصينية .. و بعدين نصب خليط الجبنة فوق البطاطس .. و نبعد شوية عن الجوانب عشان دي جبنة ممكن تتحرق لو جت على جوانب الصينية .
نجيب النص الباقي من عجينة البطاطس و نصبه فوق الجبنة .. و ندخلها الفرن 20 دقيقة و نسويها من تحت الأول .. و بعد العشرين دقيقة ..
نضرب البيضتين كويس جدا و نحطهم على وش الصينية و نحط على وشها فوق البيض شوية بقسماط عشان الوش يتحمر .. و نرجعها الفرن تاني نسويها من فوق .. هي مش هتاخد عشر دقايق ..
و لو حبينا ممكن نجيب شرايح جبنة شيدر و نحطها على الوش فوق البيض و البقسماط .

حشو الصينية ممكن يتغير .. يعني ممكن يبقى خضراوات مسلوقة و مخلوطة بالجبنة ..
ممكن يبقى لحم مفروم و مخلوط بالجبنة ..
..