الجمعة، 30 يوليو، 2010

محشى الكوسة


المقادير :
كيلو كوسة متوسطة
حزمة شبت و نصف حزمة كسبرة و نصف حزمة بقدونس ورق بس من غير اعناق تقطع صغير جدا
حوالى كيلو طماطم
بصلة كبيرة
ملح و فلفل + زيت + زبدة
حوالى 3 اكواب ارز
الطريقة :
تقور الكوسة بحرص حتى لا تنكسر و تحك القشرةو تغسل بالماء و تحضر الصلصة و قدامك طريقتين :
الاولى انك تعملى الخلطة نية فتحطى الكونات كلها مع بعض و تضيفى عصير الطماطم و البصلة تكون مبشورة ناعم و تحطى الملح و الفلفل و الزيت اما الزبدة بحطها و هى على النار بتدى طعم كويس فى الفنيش
الطريقة التانية :
انك تسبطى الطماطم بانك تحمرى البصلة الاول فى شوية زيت و بعدين تحطى عليها عصير الطماطم و الملح و الفلفل و الخضرة و لما تتسبك تحطيها على الارز و تبدئى تحشى الكوسة
و لما تحشيها و تحطيها فى الحلة ما تحطيش عليها اى حاجة غير حوالى 1/4 كوباية صغيرة ماء بملح و ملعقة زبدة و لما تغلى بتخفضى النر و لاحظى انك ما تمليش الكوساية قوى بالحشو عشان الرز ما يطلعش منها و لما تستوى تقدميها و بالهنا و الشفا

ليست هناك تعليقات:

إرسال تعليق

طريقة عمل الدونات بالشكولاتة

المقادير نصف كيلو دقيق ابيض  ملعقة خميرة فورية ملعقة لبن بودرة